Млечни производи што можете да ги замрзнете за да заштедите време и пари

Сабота, 12 Септември 2020 10:00

Живееме во време кога храната ни е достапна во изобилство во текот на целата година на секој чекор, па понекогаш веројатно се прашувате дали навистина ви треба замрзнувач. Дали замрзнувањето храна е опција само за постарата генерација, или сепак има смисла ако сте нововенчана двојка.

Млеко

Зошто е препорачливо замрзнувањето храна:

  • Заштедува време - замрзнувањето храна што веќе е подготвена ви дава можност да имате приготвен оброк при моменти кога немате време да ја подготвите од самиот почеток.
  • Заштедува пари - замрзнувањето храна е опција за поголема количина на храна што сте ја купиле, по веројатно пониска цена од обичната, и немате намера да ја користите веднаш за да подготвувате оброци.
  • Ја одржува свежината на храната - наместо да го фрлате расипаниот ручек што никој не сакаше да го јаде од фрижидерот по третиот ден, опцијата за замрзнување ви дава можност да ја извадите за две или три недели и да ја ставите на масата.
  • Удобно е - замрзнувањето на храната е совршен начин да имате при рака поголем асортиман на состојки што можете да го користите за подготовка на оброци, без да трчате во продавница во последен момент затоа што сте останале без состојки.
  • Здраво е - замрзната храна може безбедно да остане на мраз до 6 месеци. Во исто време, секогаш ќе имате свежа храна на располагање

Храна што можете да ја замрзнувате:

  • Путер - одлична замрзнувачка храна што не ја менува својата текстура на мраз. Доколку имате можност да купите поголема количина путер по добра цена, искористете го затоа што можете безбедно да го чувате путерот во вашиот замрзнувач до следната употреба.
  • Млеко - иако млекото има тенденција да се оддели по замрзнувањето, доволно е да го протресете откако ќе се стопи и е доста погодно за употреба, особено при подготовка на храна.
  • Павлака - конзистентноста на павлаката се менува во помала мера кога се наоѓа на мраз, но е сосема добра за употреба при подготовка на храна. Погодна е и за подготовка на торти и колачи.
  • Крем сирење - слично како павлаката, и крем сирењето малку го менува својот изглед кога е замрзнато. Ако планирате да го мачкате на пецива, нема да изгледа многу убаво, но неговиот вкус ќе биде непроменет. Од друга страна, ќе биде совршен за печење и готвење.
  • Јогурт - ако имате поголема количина јогурт при рака и сте загрижени за датумот на истекување, слободно ставете го во замрзнувач, каде што ќе биде совршен за употреба дури и откако ќе го извадите, со задолжително тресење.

Цагери

Следен цагер

Цагери Четврток - 20:20 - Остави го нека пат