23-годишната Кајли Џенер сподели серија фотографии со своите 200 милиони следачи на Инстаграм промовирајќи ја сопствената најнова колекција шминки инспирирана од Божиќниот филм „Гринч“. Ѕвездата на KUWTK на себе има светкав дводелен комплет што потсетува на елка, по повод католичкиот Божиќ.
„Мојата Гринч колекција излегува денес“, напиша таа.
View this post on Instagram
Идејата за целата колекција е преземена од популарниот Божиќен филм со ист наслов – „Гринч“, а пакувањата се еднакво интересни и тематски поврзани со ликовите од филмот. Дури и самата Кајли ја промовира колекцијата со зелена перика, соодветна капа и крзнен фустан без прерамки.
„Кајли го украде Божиќ“, напиша таа во описот на објавата додавајќи дека колекцијата GRINCH X KYLIE е лансирана денес, точно на време за претстојните празници.
Најголемо изненадување во промоцијата беше вклучувањето на двегодишната ќеркичка Сторми Вебстер, со која прават тематски „Гринч“ колачиња, а носат и идентични „Гринч“ пижами. Кајли објави слатко видео во кое го сподели и рецептот за колачињата, па ако немате идеја, можете да ги пробате нивните.
