Данскиот супермодел и ангел на Викторија сикрет, Нина Агдал, e една од најбараните дами на модните писти. Русокосата убавица е дел од календарот на Sports Illustrated за 2016-та година, и е поранешна девојка на еден од најголемите и најпосакуваните холивудски ергени, Леонардо ди Каприо. Судејќи според професионалните успеси и тоа како изгледа, се чини живее совршен живот без секојдневните проблеми со кои се соочуваат повеќето луѓе.
Уморна од таквите предрасуди, одлучи да сподели со своите 1,6 милиони следбеници со какви проблеми се соочува долги години. Во видео кое го објави на својот Инстаграм профил, говори за својата анксиозност, панични напади и прихотерапијата која ја посетува.
„Ми требаа неколку години да си признаам дека имам проблем. Најмногу бидејќи сите постојано ми велеа ”Сè имаш, ништо не ти фали”. Таа реченица е најлошото нешто што можете да му ја кажете на човек кој се бори со анксиозност – запаметете го тоа“, вели Нина нагласувајќи дека не е себично да се грижите за самите себе.
View this post on Instagram
Социјалната анксиозност и донела безброј тешки ситуации, особено во професијата со која се занимава, бидејќи е јавна и постојано изложена на критики од другите луѓе.
Она што го гледаме:
Реалноста:
View this post on Instagram
Социјалните мрежи често ги користи да ги сподели своите техники за справување со анксиозноста, но и како апел за подигнување на свеста за важноста на менталното здравје.
View this post on Instagram
„Една од главните причини поради која јавно проговорев на оваа тема е да им помогнам на сите други што се чувствуваат исто. Од кога јавно проговорев на мојот Инста профил толку многу луѓе ми се обратија што бев вчудоневидена. Според мене секој треба да посетува психолог“, советува Нина.
