Потребно време:
- За подготовка: 35 мин
- За готвење: 30 мин
- Плус време за ладење
За 10-12 порции потребно е:
- 230мл растително масло, плус дополнително за калапот
- 100мл јогурт
- 4 големи јајца
- 1½ лажиче екстракт од ванила
- ½ кора од портокал (изрендана)
- 265гр брашно
- 340гр мусковадо шеќер (или агава сируп)
- 2½ лажиче мелен цимет
- ¼ свежо морско оревче, ситно рендано
- 265гр моркови (околу 3), рендани
- 100гр суво грозје
- 100гр ореви или пекани, грубо исецкани (по избор)
За глазура:
- 100гр малку солен путер, омекнат
- 300гр шеќер во прав
- 100гр крем сирење
Начин на подготовка:
- Загрејте ја рерната на 180°C. Подмачкајте ги и обложете ги основата и страните на два калапи за торти од 20см со хартија за печење. Во бокал изматете ги маслото, јогуртот, јајцата, ванилата и кората од портокал. Измешајте го брашното, шеќерот, циметот и морското оревче и малку сол во еден сад. Исцедете ги сите грутки шеќер низ прстите, тресејќи го садот неколку пати за да ги извадите грутките на површината.
- Влажните состојки додадете ги во сувите, заедно со морковите, сувото грозје и половина од оревите, доколку сакате да ги искористите. Убаво измешајте да се соедини, па поделете ги помеѓу калапите.
- Печете 25-30 мин. или додека не извадите чиста чачкалица ставена во центарот на тортата. Ако некоја влажна смеса се држи на чачкалицата, вратете во рерна 5мин, а потоа проверете повторно. Оставете да се оладат калапите.
- За да направите глазура, изматете ги путерот и шеќерот заедно додека не се изедначат. Додадете половина крем сирење и повторно матете, па додајте го остатокот (додавањето малку по малку спречува да се раздели глазурата). Отстранете ги двата дела од тортата од калапите и спојте ги заедно со половина од глазурата. Одозгора ставете го преостанатиот дел од глазурата и декорирајте со останатите ореви. Се чува во фрижидер до пет дена. Најдобро се јаде на собна температура.
Добар апетит!
