Готов за 5 минути: Како да подготвите домашен мајонез, без штетни состојки

Сабота, 19 Декември 2020 10:00

Без него тешко е да се замисли појадок или празнична трпеза.

Домашниот мајонез успешно ќе го замени оној од полицата во продавницата - не само што е повкусен, туку е и без конзерванси и вештачки материи. Како сами да направите мајонез?

Ова е еден од оние рецепти кои им успеваат на сите од првиот пат.

Домашен мајонез

Cостојки:

  • 2 жолчки
  • 200 мл сончогледово масло
  • половина лажичка сол
  • лажичка сок од лимон (или вински оцет)
  • 1/3 лажица шеќер
  • 2 лажици лут сенф
  • бибер по вкус

За да може домашниот мајонез добро да се измати, сите состојки треба да бидат на собна температура, а јајцата да бидат колку што е можно посвежи.

Во блендер ставете жолчки од јајца, сол, сенф и сок од лимон - и измешајте сè добро постепено зголемувајќи ја брзината. Додадете малку масло на смесата. Додека мешате, смесата треба малку да се згусне. Мешајте додека мајонезот не го „апсорбира“ целото масло и добие хомогена, кремаста конзистентност. Или подолго - ако сакате да биде погуст. Готов е кога ќе го свртите садот наопаку и ништо нема да се истури.

Ставете го готовиот мајонез во тегла или сад и ставете го во фрижидер. Не заборавајте да го јадете прилично брзо, бидејќи домашниот мајонез без конзерванси се расипува побрзо од оној од продавницата.

Добар апетит!

Најчитани

Соновник

Најчест сон за вчера беше: Мртовец

Цагери

Следен цагер

Цагери Петок - 13:13 - Ќе одите некаде