Знаеме дека доматите се корисни кога ги јадеме свежи и правиме салата со нив. Ова е вистина, но тие се исто добар избор за вашиот стомак и кога ќе се сварат. Има повеќе видови на храна што може да ве изненадат со променливите придобивки во зависност од начинот на подготвување.
Станавме љубопитни за тоа кои производи можат да станат покорисни со текот на времето, па дури и откако ќе бидат пржени - и решивме да ги споделиме сите корисни информации кои ги научивме со вас.
Банани
Ако страдате од дијабетес, подобро е да јадете банани кои се повеќе незрели отколку презрели, велат експертите. Кога е зрела бананата, скробот почнува да се претвора во шеќер што треба да го контролирате за време на дијабетес.
Од друга страна, незрелите банани имаат некои други здравствени придобивки. Тоа се случува поради т.н. отпорен скроб што го содржат. Но, доколки имате потешкотии со варењето на храната, тогаш зрелите банани се подобар избор за јадење.
Печурки
Иако печурките може да изгубат витамин Б откако ќе се зготват, има некои големи придобивки што ги добиваат по ударот на топлина. Како прво, суровите печурки се како сунѓери и можат да апсорбираат токсини што можат да се уништат преку готвењето.
Второ, готвењето го зголемува бројот на антиоксиданти во печурките што на нашето тело толку многу му требаат во современиот свет. Доколку сакате да ги јадете печурките во нивната `најздрава` форма, препорачливо е да ги правите на скара или во микробранова, наместо да ги варите или пржите. Во овој случај, тие имаат повредни здравствени придобивки.
Домати
Навикнавме да јадеме свежи домати. Да, тие содржат витамин Ц, но експертите велат дека кога ќе се сварат, тие имаат многу поголемо ниво на ликопен кој штити од срцеви заболувања. И ова може да биде помоќен антиоксиданс од витаминот Ц. Исто така, готвењето домати може да ги омекне влакната, така што тие полесно се варат во нашиот желудник. Хранливите материи се зголемуваат ако ги загреете доматите на околу 90°С.
Моркови
Малку е изненадувачки, но морковите, кои се толку добри за нас благодарение на нивниот бета каротен, имаат поголемо ниво на хранливи материи кога се готват. Овој зеленчук сака да се загрева. Вриењето може да создаде уште подостапен бета-каротен во морковот.
Подобро е да се готви морковот неизлупен, со својата кожа за да може тројно да се зголеми неговата вкупна антиоксидантна моќ. Во исто време, сецкањето пред готвење можеби не е најдобрата идеја затоа што површината за исцедување на хранливи материи е поголема. Подобро е да ги исецкате по вриење.
Провитаминот А од морковот е многу подостапен во готвениот морков отколку во сировиот. Од сировиот се прима околу 29%, а од готвениот 59%, а ако се додаде малку масло на готвениот морков, се прима дури 80% (маслото во овој случај ја олеснува апсорпцијата).
Спанаќ
Спанаќот е преполн со хранливи материи, но може да апсорбирате повеќе калциум и железо ако го готвите, велат лекарите. Тоа се случува затоа што е преполн со оксална киселина која ја блокира апсорпцијата на железо и калциум. Кога готвите спанаќ, овој елемент се распаѓа и од него можете да добиете повеќе здравствени придобивки.
Сирење
Сирењето е одличен извор на протеини, но секој вид може да има различни дополнителни придобивки. На пример, моцарелата има помалку натриум и калории отколку повеќето други сирења. Исто така, содржи бактерии кои делуваат како пробиотици, така што може да го подобри здравјето на цревата и вашиот имунолошки систем.
Во исто време, синото сирење има повеќе калциум од повеќето други сирења, но може да биде премногу солено за некои луѓе.
Леб
Откриено е дека препечениот леб има помал гликемиски индекс. Овој индекс има влијание врз нивото на шеќер во крвта, така што може да биде подобра опција за дијабетичарите.
Лебот од кисел квасец содржи поголемо ниво на антиоксиданти и фолати од другите видови леб. Исто така, има пониски нивоа на фитат, така што му овозможува на вашето тело полесно да ги апсорбира хранливите материи.
Цвекло
Една студија ги испита ефектите од пиење 250 милилитри сок од цвекло секој ден врз 68 лица со висок крвен притисок. Како резултат, истражувачите откриле дека значително го намалува крвниот притисок. Од друга страна, вареното цвекло може полесно да се свари во желудникот, бидејќи неговите тврди влакна се распаѓаат на ист начин како и кај варените компири.
