Оваа година, Божиќ и Нова Година ги дочекуваме дома со семејството.
Нема забави, нема големи собири на плоштадите, дискотеките и нема егзотични дестинации. Но, дури и едноставната домашна атмосфера може да биде многу пријатна, ако и дадете шанса. Ако сакате да и дадете малку празнична магија на целата приказна, пронајдете ја вашата идеална облека во која ќе се чувствувате пријатно да изгледате доволно свечено. Со цел да ве инспирираме во таа насока, во оваа пригода ви подготвивме многу лежерни празнични комбинации, меѓу кои сигурно ќе ја најдете онаа во ваш стил.
Џемпер со широка плетка
За да се чувствувате пријатно, загреано и да изгледате привлечно, изберете блескав црн џемпер и комбинирајте го со карирано миди здолниште. Фантастична комбинација за сите дами кои сакаат празнични бои и ги следат трендовите. Исто така, џемпер и пласирано здолниште во златен тон можат да бидат одличен избор за незаборавна новогодишна ноќ. Доколку сте расположени за малку гламур, побарајте впечатлив црвен џемпер и кожни панталони во кои ќе изгледате многу привлечно.
Доколку се стремите кон романтичен стајлинг, ви препорачуваме да искомбинирате бел џемпер и сиво здолниште, додека за малку попредизвикувачки стајлинг, можете да изберете црвен фустан над кој ќе облечете розов џемпер и ќе блеснете на новогодишната ноќ. Ќе изгледате фантастично и целосно лежерно во класични фармерки и црвен џемпер со интересен V-израз на грбот.
Маички, џемпери, кошули
Доколку сакате да иcкомбинирате поедноставни горни делови од облеката со малку гламур во долниот дел, ви предлагаме да побарате неколку еднобојни маици, обични дуксери и карирани кошули и да ги спарите со здолништа со светкави монистра. Златните, сребрените и бакарни тонови се ИН оваа сезона, затоа не пропуштајте ја можноста да го разубавите опуштениот стајлинг со овие детали.
