Желбата да посветиме внимание на дизајнот на нашиот ентериер станува сé поголема, особено во 2020 каде што поголем дел од нас го поминуваат своето време во своите домови. Трендовите на дизајн на ентериер постојано се менуваат, ги следат моменталните трендови, но се задржуваат и некои безвременски елементи и детали кои го достигнале врвот на функцијата и удобноста. Погледнете кои дизајн елементи се истакнуваат како врвен тренд на внатрешниот дизајн, кои со сигурност ќе потраат и во следната декада.
Биофилен дизајн
Растенијата во затворен простор станаа нов елемент за внатрешно уредување, а големите растенија се тренд кој сé повеќе расте. Со цел да се одржи одредено ниво на врска со природата, Биофилскиот дизајн има за цел да ја интегрира природата во градежната архитектура како начин за подобрување на нашето здравје, психа и целокупниот екосистем. Употребата на обновено дрво, висечки растенија, зелени sидови и големи зелени инсталации се некои од главните трендови што ги гледаме и кои ќе го обликуваат дизајнот на ентериерот во следната деценија.
Мебел од природни влакна
Употребата на природни влакна како ратан и бамбус во мебелот станува многу популарна во дизајнот на ентериерот. Овој традиционален материјал се користи за столици, теписи и осветлување, лесно се меша и инкорпорира со помодерен дизајн.
Арки на ѕидовите
Заоблените лаци се типични за традиционалната архитектура и сега заживуваат благодарение на архитектите и дизајнерите кои додаваат закривени врати, заоблени прозорци и заоблени огледала на нивните проекти за внатрешно уредување. Арките се појавуваат како нов начин за додавање на кривини и повеќе органски форми во нашите домови, не само преку заоблените врати, туку и преку украсните тапети и шари насликани на sидовите.
Невидливи рачки во кујната
Трендот на дизајн на кујната ги заменува рачките на фиоките и вратичките (особено оние големите) со невидлив хардвер. Станува збор за механизам кој се притиска механички или користи магнетни уреди инсталирани во внатрешноста на вратичката. Целта е да имате минимален простор со беспрекорен и елегантен изглед.
Колоритни бањи
Паралелно со почестата употреба на светли и смели бои на sидовите и мебелот, бањите исто така почнаа да ја прифаќаат бојата на смел, но елегантен начин. Бањите не треба повеќе да бидат светло бели! Архитектите и дизајнерите ја подигнуваат енергијата во овие фундаментални простори преку бои како светло розева, златно жолта, темносина и маслинесто зелена.
Дрво и бетон во нивната најчиста форма
Изложувањето на дрвото и бетонот како суровини за sидови, тавани и подови е тренд што го користат архитектите и дизајнерите за да постигнат топлина и елеганција за внатрешните простори без притоа да го надминат буџетот. Комбинацијата на обете е способна да ги привлече сите сетила затоа што поседува атрактивни квалитети и голема издржливост.
Заоблени форми
Столици, масички, каучи, па дури и светилки со облини кои не враќаат во детството, давајќи му на нашиот простор млад, забавен и модерен изглед. Овој нов тренд е предводен од мебел со заоблени рабови и тубуларни форми, а исто така познат како Неотенски дизајн, од концептот „неотидност“ - пренагласување на детски карактеристики. Соодветен концепт за опишување на разиграноста што овие парчиња можат да ја додадат на кој било простор!
Домашна канцеларија
Со оглед на моменталната ситуација, oвој тренд е еден од најрелевантните за 2020 година. Неопходно е адаптација во одреден дел од домот за простор за работа.
