На која страна од креветот спиете

Недела, 13 Декември 2020 20:33
Спиење

Во секоја врска има одреден степен на навики и рутини кои го диктираат темпото.

Текот на нашите секојдневни животи во голема мерка зависи од тоа како ќе ги поставиме работите уште на самиот почеток на љубовната врска. Создавањето одредени навики е долг процес, но некои работи се случуваат спонтано без многу бучава, така што наутро секогаш сте први што одат под туш, а вашата друга половина очекува да направите кафе. Не се разликува со страната на креветот каде што спиете.

Во повеќето случаи, „изборот“ се одвива со неискажлив меѓусебен договор. Доколку изборот се уште се доведува во прашање, најчесто лицето што му е важно да спие покрај ѕидот се изјаснува за тоа, или оној на кој му пречи надворешната бучава, избира страна што е подалеку од прозорецот. Сепак, изборот на страната на креветот на кој спиете, иако изгледа импулсивно, може да биде клучно за многу работи во вашата понатамошна врска и живот.

Експертите одат во овие крајности за да посочат дека постои нешто што се нарекува - будење на погрешната страна на креветот. Според истражувањето спроведено на оваа тема, откриено е дека луѓето кои се будат на левата страна од креветот го започнуваат денот многу поведро од оние што се будат десно. Студијата покажа дека повеќе од една четвртина од луѓето кои спијат на левата страна од креветот, гледаат позитивно на животот, додека случајот е сосема различен со оние кои спијат на десната страна.

Понатамошните истражувања покажаа дека луѓето кои спијат на левата страна на креветот, повеќе уживаат во својата работа и имаат тенденција да ја задржат истата од оние кои ја претпочитаат десната страна. Утеха за оние кои ја сакаат десната страна е што статистиката покажува дека за нив е резервирана поголема заработка во однос на нивните партнери од левата страна. Тие имаат тенденција навистина да уживаат во нивната работа и да го поминат своето време и енергија рационално.

Исто така е многу интересно што сме многу заштитнички настроени кон страната на креветот каде што сакаме да спиеме. Дури 75% од луѓето одбиваат да ја променат страната на која спијат со партнерот, дури и за една ноќ. И кога конечно ќе го сторат тоа, спијат немирно, борејќи се со личните демони.

Иако претежно несвесно ја избираме страната на креветот на кој ќе спиеме, тоа е поврзано со нашата природа. Дури и поединци кои, откако раскинуваат љубовна врска и добиваат кревет само за себе, не ја менуваат својата позиција на креветот, а на новиот партнер му даваат празно место, чувајќи го како голема тајна.

На која група луѓе припаѓате вие? На која страна од креветот спиете?