Како и јазикот, културните традиции се разликуваат низ целиот свет. Постојат многу културни разлики кои ја дефинираат секоја земја. Секое општество во светот има свои културни традиции кои го идентификуваат нивното наследство и ги прави уникатно различни.
Иако многу луѓе во туристичките области имаат разбирање и одреден степен на прифаќање на луѓе кои не ги знаат правилата, сепак добра е идејата да ги знаете и следите основните принципи на секоја култура.
Јапонија: Оставање бакшиш е навредливо
Оставањето на бакшиш во Јапонија, очигледно не е вообичаена практика како што е во повеќето земји. Бакшишот, како што сите добро знаеме е паричен додаток кој искажува задоволство, знак на благодарност за одлично извршената услуга.
Како и да е, во Јапонија, оставањето на бакшиш е всушност навредливо. Без разлика дали е во ресторан, хотел или такси, тие не го очекуваат бакшишот и во повеќе случаеви ќе бидете одбиени или ќе бидат збунети мислејќи дека сте платиле повеќе.
Египет: Не барајте дополнителен прибор за посолување
Шансите се големи дека нема да пронајдете прибор за посолување на вашата маса. Но, ако чувствувате потреба да побарате сол, можеби ќе сакате да се подготвите за некој вид на непријатна реакција која ќе ја добиете.
Со тоа што ќе побарате сол му кажувате на готвачот или готвачката дека не ја зачиниле вашата храна правилно.
Франција: Избегнете да подарите шише вино
Носењето на шише вино на забава, прослава или домашно организирана вечера се смета за добар манир на многу места, но не толку во Франција. Носењето на шише вино како подарок, во дом со одлично вино и луѓе кои се разбираат во изборот, испраќа порака дека нивното вино не е доволно добро и може да биде навредливо.
Индија и Кина: Остатоци од храна во чинијата
Бидејќи храната е толку голем дел од патувањето, важно е да ги знаете неколкуте правила на секоја нација. Еден ист гест, во различни држави може да значи сосема различно како на пример Индија и Кина.
Во Индија, треба да изедете се што е на вашата чинија затоа што се смета за почит кон служената храна. На тој начин покажувате дека храната била вкусна и ви се допаднала.
Истиот тој гест, во Кина е сосема спротивен. Оставањето на празна чинија зад себе е знак дека се уште сте гладни. Ако не сакате да јадете повеќе храна, размислете на тоа да оставите малку храна во чинијата како знак дека ви е доволна послужената храна и добро сте јаделе.
Италија: Не нарачувајте кафе со млеко по 11 часот наутро
Како секоја култура, така и италијанската, се разликува по неколку специфични правила, а едно од тие е и ритуалот за кафе.
Во Италија, видот на кафето го одредуваат според времето во кое го пијат. Италијанците обично уживаат во кафињата кои содржат млеко само во утринските часови, никогаш попладне, а особено не после оброк.
