Вовед во анатомија - Мередит Греј го посетува Дерик Шепард додека се бори со коронавирусот

Недела, 06 Декември 2020 10:00

Главниот лик во серијата Вовед во анатомија - Мередит Греј преживеа многу (давење, бомби, истрели), но дали борбата со Ковид-19 може да биде нејзиното последно појавување во познатата ТВ серија? Ликот на Елен Помпео во почетокот на новата 17-та сезона се бори против вирусот – но и силната желба да се обедини со покојниот сопруг Дерек Шепард во рајот.

Вовед во анатомија

Првата епизода од новата сезона продолжува четири дена откако Мередит беше пронајдена во бесознание на паркингот кај Меморијалот Греј Слоун. Откако таа инсистираше дека се чувствува доволно добро за да ја напушти болницата, Мередит се онесвести и на кратко се сретна со Дерек (Патрик Демпси) на плажа во нејзините соништа.

Мередит, во сонот, на плажата дознава дека не може да се доближи до Дерек.

„Дерек! Зошто не можам да стигнам до тебе?“ - Мередит викаше од плажата. „Не разбирам!“

„Загрижена си за децата.“, одговори Дерек, кој ги има ќерките Зола и Елис и синот Бејли со Мередит. „Тој песок не е вистински, Мередит.“

Таa извика - „Те мразам!“, а тој одговори: „Ме сакаш. Бог знае дека те сакам. Ќе бидам тука кога ќе бидеш подготвена.“

Демпси ја напушти серијата во 2015 година. Во сезона 11, Дерек е дел од  фатална сообраќајна несреќа која се случува на пат кон аеродромот. Полицијата пристигнува пред вратата на Мередит и ја носи да го види Дерек, каде таа се согласува да го тргнат од машините за животна поддршка. За време на неговата смрт, Мередит е бремена со нивното трето дете.

Актерот Патрик Демпси, по емитувањето на премиерата од новата сезона, дава изјава дека неговото враќање било одлично примено од страна на публиката, но и навистина неочекувано.

Тој кажува: „Има толку многу души што сме ги изгубиле во моментов, па идејата да имаме ангели околу нас е многу утешна, барем за мене“, продолжува - „Ние успеавме да го задржиме моето појавување во тајност, што беше прилично феноменално. Влијанието и одговорот од публиката беа неверојатно големи и многу потресни.“

Најчитани

Соновник

Најчест сон за вчера беше: Мртовец

Цагери

Следен цагер

Цагери Петок - 13:13 - Ќе одите некаде