Што се случува кога тимови од „Сексот и градот“ и „Ѓаволот носи Прада“ ги здружат силите во Париз?
„Емили во Париз“ е адутот на Нетфликс за кој критичарите предвидуваат дека ќе биде новата хит серија која ќе ја обележи оваа есен. Создадена од креаторката на „Сексот и градот“ - Дарен Стар, главната улога ја игра Лили Колинс која глуми извршен директор за маркетинг во САД, испратен од нејзината компанија да ја обнови канцеларијата во француската престолнина. Но, како новодојдена Американка во Париз, Емили мора да го надмине културниот шок. Има за цел да ги придобие своите нови колеги, да се дружи со нови пријатели и да доживее нови романси.
Но, ако големиот број на слики од папараци фотографите кои се појавија на снимањето во Париз се било каква индикација, костимографијата е таа што може да се назначи како вистинска ѕвезда на ова шоу. Патриша Филд, која го водеше дизајнот на костуми за „Сексот и градот“ и „Ѓаволот носи Прада“ е поставена на чело на одделот за костуми и во оваа серија. А тоа особено не радува.
Серијата која се состои од 10 епизоди, кои траат по 30тина минути започна со емитување на Нетфликс на 2ри октомври. Серијата е снимена пред Ковид-19 пандемијата, целосно на локации во Франција.
Ликот на Емили го глуми преслатката ќерка на славниот музичар Фил Колинс, Лили Колинс која ја предводи актерската екипа во главната улога, каде и се придружуваат ѕвездата на Бродвеј - Ешли Паркер, Кејт Валш од серијата Грејс Анатоми и ред други француски глумици.
View this post on Instagram
Во продолжение погледнете го трејлерот и припремете се за едно модно патување кое ќе ви го одземе здивот:
